A State of Trekker is 'n program wat aangebied word deur Andries Lingenfelder. 'n Unieke program met Andries se eie "flavour" gevul met lekker EDM en trance musiek vir diegene wat energie soek vir die week.
Andries is ‘n oud-H2A lid en het ‘n paar jaar in Mississippi en toe sy laaste jaar (2024) in Texas gewerk waarna hy permanent terug gekeur na Worcester, Suid-Afrika om sy eie pesbeheer onderneming te begin. Tydens sy tydperk in die VSA het hy betrokke geraak saam met Benji & Ed by Radio H2A waar hy weekliks luisteraars vermaak het met 80’s musiek asook Christelike musiek.
Sy radio-ondervinding het begin by ‘n plaaslike radio stasie in Worcester waar hy sy stem en talent gebruik het en selfs ook ‘n program aangebied het.
Andries se liefde vir verskeie genres musiek bring hy na Radio H2A en bied die “A State of Trekker” program aan.
Radio H2A is ‘n eerste in die VSA. Die eerste en enigste Afrikaanse aanlyn radio stasie wat regstreeks uitsaai vanuit verskeie state in Amerika. Ons luisterbasis strek oor Kanada, VSA, Panama asook Suid-Amerika met ‘n luisterbasis ook in Suid-Afrika en selfs ook Australië en Nieu-Seeland.
